林嘉欣昨日到荃灣出席活動，近年專心湊女的她，希望香港可設置更多育嬰室：「有次喺香港食飯，想餵細女食母乳，我已經用圍巾遮一遮，但都引嚟唔少奇異目光，最後去咗廁所餵。」

嘉欣視乖女為心肝寶貝，出埠不足一個月已心掛掛！

提到早前到台灣逗留3星期密集式拍戲，她坦言很想念囡囡：「本身個角色比較沉重，好彩每晚仲可以睇吓囡囡嘅相放鬆，好掛住佢哋，所以一落機就返屋企！（有冇同囡囡視像通話？）視像完細女喊得仲勁，但我每晚都會同囡囡傾電話。」並笑言日後出埠兩星期已是極限。