郭奕芯（Ashina）和王宗堯為新片拍床上戲，「處女演出」的Ashina坦言與赤裸上身的王宗堯作身體接觸時很緊張，但王宗堯卻對內衣上陣的Ashina沒有生理反應！

Ashina及王宗堯在床上作親密接觸。

奉旨錫Ashina的王宗堯雖然出手摸大髀，但他卻零反應！

獻出「第一次」的Ashina相當緊張！

王宗堯晒背搶鏡，拍完床戲紅晒喎！

身穿內衣上陣的Ashina，不時出手整理衣服。

藝人王宗堯和郭奕芯昨日為電影《壹獄壹世界》拍攝床上戲，脫去浴袍的王宗堯僅以肉色打底褲上陣。在導演一聲令下，赤裸上身的王宗堯與Ashina在床上擁作一團，相當纏綿。「處女下海」的Ashina異常投入，王宗堯亦演得相當奔放，他說：「咁激都真係第一次！都有啲尷尬，不過我都有做安全措施。（有生理反應？）其實冇嘅！因為我下身包晒膠紙，又投入咗喺部戲入面，大家着住衫排戲時有傾點拍。」並笑言戲中以除衫戲為主，更有機會與五、六名女演員上演激情戲：「可能公司補償番畀我，因為我之前啲電影冇女角埋身！」

堅持三點不露

首次演出床戲的Ashina坦言當時心情緊張及尷尬：「第一日拍就係床戲，始終係有難度！不過相信克服到今次，之後會比較容易投入，王宗堯都教我好多拍攝技巧。（有身體接觸？）佢有打底，但都會有身體接觸，拍床戲冇理由大家冇接觸啩？」問到裸露底線，她說：「三點不露，今次算係好性感o架喇！」

冇Follow盛品儒

對於曾傳緋聞的前亞視高層盛品儒盛傳明年結婚，Ashina說：「唔知，冇留意。恭喜佢，不過其他人嘅事唔關注咁多喇！」並坦言雙方沒聯絡：「現階段專注事業發展，其他人嘅事冇心機去理！（會去飲？）呢樣嘢，都係唔想再講喇！」