黎耀祥、黃浩然、胡定欣、邵美琪及蔡思貝等主演的無綫台慶劇《名門暗戰》今晚首播，一眾演員昨日盛裝到淺水灣宣傳。祥仔對《名》劇充滿信心，但再攞視帝則要看民意。對於迎戰香港電視開台，祥仔歡迎挑戰，認為有競爭才有進步。對於有傳胡杏兒約滿離巢，他亦幫口挽留：「返內地都係搵快錢、搵食，但係學唔到嘢。杏兒係好對手，可塑性好高，再留耐啲進步更大，TVB係一個磨練嘅好地方，希望佢可以兩方面兼顧啦！如果撞到佢都會同佢傾吓。」

祥仔與邵美琪盛裝出席新劇宣傳活動。

胡定欣身穿吊帶連身裙大騷舞姿，一拗腰即搶去不少「峰」頭。

胡定欣以吊帶連身裙亮相，但仍不及低胸上陣的陳自瑤性感。胡定欣透露劇集出街感到緊張，仍未知台慶頒獎禮會有甚麼提名，但希望《名》劇能提升人氣參加頒獎禮。此外，提到前晚欣賞緋聞男友鄭俊弘演唱會時提早離場，是否怕撞見鄭俊泓女友姜麗文？蔡思貝說：「唔係，因為趁拍劇空檔趕嚟支持，大家係朋友，嗰啲緋聞嚟啫！」