粵劇名伶龍劍笙（阿刨）昨日在電台錄音訪問中談到師傅任劍輝，忍不住數度哽咽落淚，她說：「咁多年我都放唔低，佢真係對我好好，我每刻都好掛住佢。」難以撫平師傅逝世的傷痛，促使她當日退出舞台：「初初以為努力演出可以報答佢，以為時間可以沖淡，但原來唔得。個心愈來愈空，我驚我有一日出台會空白一片，唔想失禮師傅，所以要休息。」而仙姐亦支持其決定，她說：「我有同仙姐（白雪仙）傾過，佢話真係覺得唔可以演出嘅話，都冇得勉強。」

龍劍笙（左）接受車淑梅的電台訪問，大談往事。

此外，明日70歲生日的她依然單身，更自爆從未談過戀愛，但未覺遺憾：「我又冇恨過，台上談晒喇！上天有配額，你做咁多多情公子，一日撩咁多女仔，台下冇晒喇！」對於70大壽，阿刨笑說：「冇咩感覺喎！我唔覺得自己咁大年紀，仲好似初初入行！」