譚詠麟（阿倫）、陳百祥（阿叻）及彭建新到澳洲拍攝綜藝節目《超齡打工假期》，做打工仔捱世界。他們先到黃金海岸任救生員，樂在其中扮大隻，阿倫更笑說：「有冇見過咁靚仔嘅救生員呀？」而三男一齊衝向海時，猶如「長者渡海泳」，相當搞笑！另一日，阿倫到中菜館做廚師，為食的他竟邊煮邊偷食：「我一直話整海南雞飯唔錯，今次有機會炮製鮑魚、皇帝蟹，個個都讚！」做侍應的阿叻則成功向外籍人士推銷最貴價逾8千澳元（約54,560港元）的海鮮餐！他說：「呢餐有蠔有蝦，隻皇帝蟹仲係鎮店之寶，就係畀阿倫整囉！好在冇整壞！（覺得打工降呢？）冇呢個感覺，我哋後生嘛！應該試吓唔同嘅嘢。」