藝人梁烈維及許紹雄（Benz雄）早前飛到德國柏林，拍攝無綫節目《超齡打工假期》，並化身「車房仔」及「賣香腸店員」。由於並非專業維修員，一時忘記戴手套的維維於修車時不慎整傷手指「標血」！之後笑言因拍攝而「工傷」的維維，獲劇組「獎勵」，豪擲逾千港元請他大玩當地的高空遊樂設施，但此舉對畏高的維維無疑是件苦差！

梁烈維（左）和許紹雄到德國做車房仔，但表現賣力的維維不慎整傷手指。

他昨日接受電話訪問時大爆成功挑戰約40層樓高的遊樂設施：「我去到唔敢玩，感覺好驚！玩個Game要跳成40層樓高，過程得7秒！我要簽生死狀先玩得，玩完之後即刻想再玩多次！」而Benz雄則於賣香腸期間大晒流利英語，與外籍顧客妙問妙答！