無綫趁台慶月炮製重量級真人騷綜藝節目，請來殿堂級藝人鄭裕玲（嘟姐）和視后田蕊妮等降呢到外國做打工仔！嘟姐除了化身「外賣妹」外，更要做藝人助手，幫手執頭執尾！至於阿田則做「賣魚妹」，鋤冰鋤到手軟。

嘟姐工作後到汗蒸幕休息，Ivana則入鄉隨俗以毛巾綁頭。

嘟姐穿制服到餐廳做侍應。

Ivana學斟啤酒。

田蕊妮赴悉尼做賣魚妹，要學鋪雪、鋤冰和劏魚。

金牌司儀嘟姐及視后田蕊妮等參與真人騷綜藝節目《超齡打工假期》，紆尊降貴到外國感受一下做打工仔的滋味。嘟姐與歌手王菀之（Ivana）到韓國首爾接受挑戰，先後到餐廳送外賣和做侍應、到菜市場學整泡菜、做導遊及藝人助手！兩人降呢服侍當地新進男子組合，歎慣的她們反過來要服侍別人，幫手執頭執尾。當嘟姐見到平均25歲以下的男團成員，即忍不住說：「佢哋似我助手多啲！以前多數畀人服侍，依家好似湊仔咁！反而個男化妝師幾靚仔喎！」

歎汗蒸幕拒毛巾綁頭

她們又到餐廳打工，自認方向感強的嘟姐做外賣妹，但外出後發現到處都是韓文，自尊心強的她堅拒問路，堅持用手機Apps搵地方！Ivana做景點接待員時手忙腳亂，最後被安排守門口，只需鞠躬，認真失威！

由於出發前早知任務要受氣，兩人都相當配合，沒有公主病發，但嘟姐到汗蒸幕休息時終忍不住「爆Seed」，有潔癖的她擔心公家浴衣不衞生，最後雖然照穿上身，但沒有跟Ivana般入鄉隨俗用毛巾綁頭。

鋪雪鋤冰做到手軟

另外，田蕊妮遠赴悉尼魚市場化身「賣魚妹」，她表示這份工絕不簡單，鋤冰鋤到手軟：「要賣魚首先要學鋪雪，親手鋤冰真係鋤到手軟！以為鋪晒啲魚同蝦就搞掂，點知要劏大魚，我初頭好驚，唔敢劏！」幸好阿田最後學懂正確切魚生方法，笑言獲益良多。

屬台慶月巨獻的《超》將於本月10日起分四輯共15集播出，自早前無綫內部裁員換血後，部門員工精英化，由綜藝科總監余詠珊構思的《超》是部門換血後首個作品。《三個小生去旅行》第二輯正籌備中，小生人選考慮加入胡楓好友曾江，相信曾江、胡楓及謝賢這三大粵語片小生碰頭定必更有火花。