無綫小花沈卓盈與身家過億的男友麥偉汶（Ray）拍拖兩多年，早前更傳出婚訊，可見感情穩定。

沈卓盈（左）陪未來奶奶入鞋舖，並把靴拼到腳邊照鏡。

日前下午5時許，戴黑超、穿短裙的沈卓盈，陪男友母親到銅鑼灣行街，未幾進入附近一間時裝店，沈卓盈即發揮女人天性，忘我地四圍揀，一時冷落了未來奶奶，期間她睇中了兩對長靴，隨即拿上手研究，甚至放到腳邊照鏡。

雖然她看得十分入神，但一見未來奶奶坐低試鞋時，即走到對方身旁畀意見，但試完一輪皆不合心水，遂離開前往附近街頭，期間沈卓盈發現記者拍照，即笑笑口揮手打招呼，其後雙雙乘七人車離開。