孝順女筱靖愛去旅行，由於媽媽最近因經常煲韓劇而愛上韓國，筱靖為滿足媽媽追星熱而請假陪她去旅行，她笑說會帶媽媽去着古代韓服拍照留念：「我媽咪睇好多韓劇，由我推介《來自星星的你》開始，就愈睇愈多，為咗追星，要我請假陪玩。（大出血？）我專攻化妝品，通街都係呢啲舖，又要幫朋友買手信，都花多眼亂。」

筱靖着韓服化身韓妹，靚呀！

筱靖和媽媽齊齊變韓國古裝人，好搞笑呀！

筱靖和媽媽大擦韓燒。

陪媽媽遊韓的筱靖當然要去古蹟遊覽。

除了陪玩，茹素的筱靖亦陪媽媽食韓燒，她笑說：「媽媽鍾意食燒牛肉，佢好啱食，而我就揀啲菇同菜嚟食囉！」玩過追星團，筱靖表示媽媽仍未夠喉：「佢已準備明年再去睇櫻花，其他親戚已跟阿媽組團，最近有韓星嚟香港，佢哋又一齊去接機，我都嚇親，不過阿媽有寄託都好，到佢做咗韓國地膽，我以後去玩就靠晒阿媽！」