都市人工作壓力甚大，然而每個人的減壓方法各有不同，作為藝人的何慕詩（Cynthia）則以自製有機狗Cupcake減壓，因製作過程能令心境變得平和，而把這種減壓方法變成獨門生意，絕對是最大的得益。

Cynthia坦言自製有機狗Cupcake，有助紓緩壓力。

何慕詩表示在整餅過程會與狗仔享受親子樂。

Cynthia表示想不到口碑好，把興趣變成獨門生意。

點整狗狗Cupcake？
STEP1
準備好材料，包括：雞蛋、麵粉、粟粉、角豆粉、原味無糖純乳酪、藍莓和馬鈴薯。

STEP2
將麵粉粟粉和角豆粉徹底混合拌勻，再過篩備用。

STEP3
雞蛋先打起，輕輕拌入粉類，最後加入乳酪拌勻。

STEP4
將麵糊倒入蛋糕紙杯內約7-8成滿，放入已預熱170度的焗爐約20-25分鐘至熟。

STEP5
馬鈴薯隔水蒸熟後壓成薯蓉，加入拌好的藍莓汁，將薯蓉放入唧花袋，用星形唧嘴將薯泥於蛋糕面上唧成花狀。

談到何時開始自製有機狗Cupcake減壓？Cynthia坦言要由五年前說起：「我好錫我隻狗Strepsil，雖然坊間有好多狗狗Cupcake、蛋糕同小食，但冇一樣係有機，我想佢哋食得健康，於是自學整餅。」她一直堅持所有材料全是有機，起初只親手弄製給自己與朋友的「仔女」，誰知一個傳一個，最後變成獨門生意：「我有時間就接Order做！」既然係好嘢，當然要介紹畀親戚朋友！

減壓好方法

Cynthia坦言在整餅過程中，心情要保持平靜，才是減壓的好方法：「無論整畀人定狗食，佢哋都會食得出你製餅時嘅心情，我覺得平靜心態所製成嘅Cupcake會變成藝術品，藝術品有人欣賞，食得開心，我都開心！」她又表示：「整餅畀狗狗食，佢哋會知，佢哋會坐喺旁邊望住你整，當你未焗好，但要溝醬時，佢會企圖偷食，真係好得意，有種親子樂感覺，令彼此關係更親密。」

她坦言每年都會為「仔仔」舉行生日派對，並會親手弄製生日蛋糕：「佢知佢嗰日大晒，我會約埋班有狗狗嘅朋友一齊慶祝，開心同輕鬆吓。」她接着解釋：「我哋作為一個人，有屋企人、親人同朋友喺身邊，但你養一隻狗，狗呢一世得你，要好好對佢，你決定養佢就要一生一世！」

做埋慈善

Cynthia一提到「仔仔」就笑得特別燦爛，她滔滔不絕地說：「我覺得佢影響力好大，媽咪本來唔鍾意小動物，佢好怕小動物周圍走，同埋啲毛四圍飛，佢起初知我有呢個「仔」，好反感，但日子耐咗，媽咪錫佢錫到黐線，有次阿仔好曳，我正打算罰佢，但媽咪唔畀。」問到會否開班授徒？她表示演藝與司儀工作很忙，暫未有這個計劃：「如果我唔得閒，都唔知搵邊個幫我開舖，不過，我絕對會做Cupcake作慈善用途。」