楊秀惠昨日身穿貼身低胸裙兼露出三吋事業線為新劇試造型，她表示劇中將以泳裝亮相，故已準備大量靚Bra及胸墊。而同場的田蕊妮則十分期待與陳豪的接吻戲，但強調不會「伸脷」！

田蕊妮（左起）、陳豪及胡定欣在劇中上演三角戀，令人期待！

身穿貼身低胸裙的楊秀惠大騷三吋事業線，搶盡「峰」頭。

陳豪、田蕊妮、胡定欣及楊秀惠等昨日在無綫電視城為新劇《鬼同你OT》試造型，其中楊秀惠最搶眼，穿上鮮紅色貼身低胸裙，露出三吋事業線，成為全場焦點，她說：「監製話劇中要騷出我有嘅嘢，所以要努力去夾（胸），同埋我會着泳衣亮相。（三點式？）未知，但相信會係型同靚。（公司同事中你身材最好？）身形好嘅女同事仲有好多，不過監製話我都可以試，想發掘我另一方面。」她又透露會出動私伙靚Bra及胸墊。

胡定欣玩暗戀

而田蕊妮則十分期待與陳豪的一場接吻戲：「大家都知我鍾意集郵，陳豪至今我仲未集到。（接吻時借故伸脷？）梗係唔得，電視尺度唔得！」提到與田蕊妮接吻，陳豪說：「演員只要拍到最好嘅效果，不過我會主動報告畀太太（陳茵媺）知，就算結婚前我哋都會講得好清楚，佢拍接吻戲都會同我講。」劇中講述胡定欣暗戀陳豪十多年，定欣表示現實中不會有機會暗戀一個人十年，因以她的性格一定會向對方表白。

支持老婆性感

另外，陳豪前晚出席電影活動時被問到會否考慮裸露演出，他笑言雖然外表Open，但內裏卻很保守：「如果真係有需要都夠膽，不過事前要通知太太。（接受太太性感演出？）支持，最多唔睇，費事眼冤！」