官恩娜（Ella）昨晚出席萬聖節活動，與一個五米高的巨型骷髏骨木偶在街頭派朱古力，她表示活動結束後將會派糖：「我啲鄰居入面有小朋友，佢哋每逢Halloween都會嚟我門鐘玩Trick or Treat。」提到萬聖節的難忘經歷，她笑言鄰居曾經按她的門鐘，但不是要糖果，而是想與她合照：「我嗰時着緊屋企衫，所以就拒絕咗。」問到會否挑戰拍鬼片，她說：「我好恨拍鬼片，我喺屋企成日都會對住塊鏡去練驚嚇樣，扮鬼就唔好喇！咁咪嘥咗我之前練驚樣嘅心機囉！」問到男友是否怕鬼，Ella笑說：「佢唔驚，因為佢成日都見到我唔化妝個樣！」

Ella與一班「嘩鬼」玩得不亦樂乎。