影星王宗堯昨日在薄扶林為新戲《壹獄壹世界》拍裸跑戲，僅用短褲遮住重要部位的他更不時煞唔切掣，搞到Pat Pat上震下震！受訪時他坦言要「股」起勇氣：「之前拍床戲又好，或者意識大膽嘅戲都係有着褲，拍嗰時遮遮掩掩。今次係自己公司嘅戲，咪留番啲好嘢畀公司，豁出去。」至於事前有何準備？他笑言要有心理準備之餘，更指最後拍攝時只笠上襪仔以作保護：「個感覺似戴避孕套將所有嘢塞晒落去，比起唔做保護措施更加侷促。」他又坦言未向父母交代：「佢哋知我好忙，但唔知我拍緊乜嘢，多數都係睇新聞先睇到。（怕被鬧？）唔怕！外國啲戲都係咁，意識係大膽，其實唔係睇到好多嘢。」

王宗堯僅以短褲遮住重要部位在街上裸跑，好激呀！

王宗堯（左）與張建聲在街邊起舞，High到呢！

有少女經過即拍下王宗堯裸跑一幕，唔通要嚟做閃卡？

至於這個公眾場合裸露場口，有行為不檢之嫌，電影投資者蕭定一回應：「嚴格嚟講係犯咗行為不檢條例，我哋冇申請，博啫！為部戲效果，冇辦法啦！」