早前在亞姐大中華總決賽出線的十位佳麗，雖然成功晉級終極決賽，但出戰之日遙遙無期，故眾佳麗前晚現身蘭桂坊萬聖節活動時，落力晒腿及派糖，實行在「執包袱」前爭取最多曝光率！

唐淑薇男女通殺，還引得外籍靚仔埋身搭訕。

陳洋鈴被男途人近距離拍照。

韓非兒落力派糖，不擔心被抽水。

佳麗穿上露肩短裙上陣，吸引市民圍觀及拍照，當中大中華總決賽雙料冠軍(20)唐淑薇風頭最勁，引得外籍靚仔埋身搭訕。首度到訪的她興奮笑稱巧遇「同鄉」型男：「佢哋由多倫多嚟，問我來自邊度，我答自己代表多倫多參選。（呢度係約男仔嘅好地方？）我唔會主動約。」同場大受歡迎的亞軍(14)陳洋鈴及季軍(9)韓非兒均High爆到處派糖，又大讚港男有風度，故不擔心被「抽水」。但非兒不禁露口風，暗示遺憾要離開而未能留港歡度萬聖節。自認宅女的她又自爆被禁酒：「我可以24小時不出門，況且我媽媽不讓我喝酒。」談到出戰決賽的準備，淑薇稱有信心再奪冠，會努力排舞；洋鈴表示要苦練廣東話；非兒則打算以芭蕾舞出賽。