一年一度的萬聖節又到，點少得約埋三五知己齊齊去玩鬼屋吖！樂壇女新人岑日珈（Angie）年年例牌拉大隊勇闖鬼屋，實行要喪叫喪嗌！但Angie又要玩又要驚，每次玩鬼屋都嚇到半死：「我試過有一次去玩鬼屋，有一Part係要一個人自己行，我當時真係好驚，但焗住上又要行，咁我就跑得勁快緊貼住前面個陌生人，之後同個陌生人一齊行！仲有另一次係要瞓棺材，個個朋友都有玩，我惟有照玩，但係之後個心有啲唔舒服。」

岑日珈每次玩鬼屋都嚇餐飽！

岑日珈

岑日珈自爆有靈異體質，一遇到「唔對路」就會見暈。

Angie更自爆有靈異體質，一遇到「唔對路」就會有另類「感覺」：「Feel到有靈異嘅嘢就會暈暈哋，感覺好想離開嗰個地方。不過有機會拍靈異節目都會接受，因為師傅傍住，個人會定好多。」