糖兄妹自年初合體出碟後近月各自發展，單飛的糖妹更工作不斷，最近終推出最新個人單曲，並如願獲范曉萱作曲！

雖然少了糖兄在身邊，但糖妹幸得大批歌迷支持，坦言很幸福！

糖妹

單飛出新歌的糖妹，獲偶像范曉萱作曲，更飛往台灣錄音。

范曉萱

糖妹最近與糖兄分開搵食，推出新歌《哎呀！男友》，並由糖妹偶像范曉萱作曲，原來這是她多年心願：「我同公司講想搵佢寫歌，佢好快畀咗Demo我，我嗰時太緊張，填咗三份詞畀佢揀。」她表示為了這首新歌專程飛到台灣錄音，范曉萱更全程監督：「錄音時間好短，都係食嘢居多，佢帶咗好多嘢食畀我，喺室內都食盡台灣美食！」

而目前「單飛」的糖妹被問到只剩自己工作會否想念糖兄？她表示沒有：「自己喺外地表演嗰陣會慣性望吓隔籬。」但她笑言自己「男仔頭」，不會向對方表達思念：「我哋會互相喺對方社交網站留言。」

不過糖妹並不寂寞，因還有一群支持自己的歌迷陪伴，並稱喜歡與歌迷近距離接觸，希望可在書店或商場舉行小型音樂會：「同埋有時歌迷會Send短訊畀我，我都會盡量覆佢哋。」又稱不會因要做好榜樣而感壓力：「有個歌迷曾經寫信話屋企人驚佢學壞，唔畀佢出活動，我除咗回信仲寫咗封信畀佢屋企人，同佢講我唔係支持小朋友追星，但向佢保證小朋友唔會因為咁學壞，最後佢哋畀個歌迷出嚟。」疼愛歌迷的她更重視每次見面的機會，曾在演唱會後留到凌晨兩點，為的只是與歌迷合照聊天。

為粉絲做好榜樣

問到歌迷對她來說是甚麼？糖妹立即回答是「朋友」：「我一直覺得佢哋係義氣支持我，佢哋會喺電視台等我錄完影，其實為咩？佢哋花咗咁多時間追隨我，我覺得要做個好榜樣，畀啲好嘅影響佢哋。」