樂隊movin'日前重返街頭,並以Live Band形式為歌迷送上第三首派台作品《斯瓦特女孩》,藉此鼓勵大家勇於追夢之餘,亦希望讓港人多接觸本土原創音樂!

樂隊movin'以維權少女馬拉拉為創作靈感,藉新歌鼓勵大家勇敢追夢。

主音袁學謙(右)到街頭以Live Band形式演繹新歌。

樂隊movin'繼《流行》及《別到海底找我》後,千呼萬喚下終於推出第三首派台歌曲《斯瓦特女孩》。由隊長Steve作曲的《斯瓦特女孩》以生活於巴基斯坦斯瓦特的維權少女馬拉拉作靈感,movin'希望透過歌曲鼓勵大家勇敢追夢:「馬拉拉為咗爭取當地女性得到教育權利而被槍擊,雖然最終冇事,但反而激發咗佢更加投身於女性平權教育運動上。我覺得每個人都會有自己想堅持嘅嘢,希望為大家打打氣,並鼓勵大家為夢想堅持落去!」

支持本土音樂

movin'以往多數於網上發布新歌,惟今次卻以Live Band形式獻唱,主音袁學謙希望令更多人接觸到本地創作:「因為好多人都話過香港玩音樂嘅人唱Live唔夠好,所以想藉住今次機會證明香港都有好音樂,等大家多多支持本土音樂。」movin'相隔一年多重返街頭演唱,雖然獲大批歌迷支持,但他們笑言心情比以往緊張:「因為已經年幾冇Busk過,有啲唔慣同觀眾咁近,見到晒佢哋啲表情。依家又多咗Fans支持,所以都怕對方期望會高咗。」