李尚正恨為星爺「裸」出第二次

任有線主持的喜劇演員李尚正，曾在周星馳電影《西遊．降魔篇》中挑戰全裸及普通話對白，提到星爺開拍新片《美人魚》，他直言想參與：「聽聞係老少咸宜嘅電影，我都想參演，就算再全裸，甚至落水都冇問題！（準備好肌肉？）成日帶喺身啦！」對於星爺被指難相處，阿正力撐對方曾請劇組食飯：「況且我係員工，唔會話老闆難相處，佢對演出嘅要求係好高，甚至超出人類所能，但都係想個效果好，想作品完美啲。」