前港姐冠軍陳庭欣近日化了一個爛面妝拍攝處境劇《愛．回家》，她笑言特技化妝後連自己也覺得恐怖：「自己照鏡都嚇親，其實係講我喺劇裏面皮膚敏感搞到爛面，呢嗰造型可以考慮萬聖節用。」

庭欣驚變「爛面人」，連自己都嚇一大跳。

扮演泌尿科醫生的庭欣在劇中鬧出連串笑話，受到網民歡迎，她說：「《愛．回家》真係好入屋，依家出街都多咗好多觀眾認得我！」

除拍劇外，庭欣亦擔任主持搵真銀：「做MC就好駕輕就熟，但係唱歌有時太忘形會唔記得歌詞，之後都會做定功課抄吓歌詞，增加記憶，要表現得專業啲！」