多次缺席劇集宣傳的王祖藍不惜將女友李亞男「擺上枱」還債，還爆她最愛「雞啫啫煲」！首嘗編劇經驗的他希望新劇長開長有！

祖藍與亞男公然打情罵俏，認真Sweet！

活動期間安仔對傳出不和的祖藍「大打出手」！

阿Bob大呻同細細粒的感情戲令他「發噩夢」！

王祖藍、郭晉安、李亞男、張繼聰、萬綺雯（蚊蚊）與林盛斌（Bob）等人昨日於油塘為無綫劇集《老表，你好hea!》宣傳。多次缺席的祖藍笑言要還宣傳債，在台上與女友李亞男互寸，取笑她的角色操不純正廣東話，亞男說只是做回自己：「都係學番班外國姊妹。」搞笑的祖藍立即乘勝追擊：「咁你即係笑班華姐啫，佢上次仲好笑呀，佢問我不如食番上次個『雞啫啫煲』！」

撐Baby下巴冇問題

提到早前多次缺席劇集宣傳，祖藍說：「之前忙拍內地版Running Man，（拍檔Angelababy被指下巴有異樣？）邊有，冇咁嘅事，佢都係將最醜嘅一面畀大家睇。」

對於續集收視未如首輯，身為編劇的祖藍笑言要負上責任：「冇預期中咁好，都要配合天時地利人和！啲笑話內容太In，家庭觀眾唔明，但網上反應好好，點擊率係最高！」

至於被阿Bob吻出「孖膶腸嘴」 的蚊蚊，問到會否覺得角色被醜化？她笑說：「唔覺，之前未試過。」

對於有指《老表3》會飛起安仔，祖藍坦言根本沒有打算開拍第三輯。