單身的胡杏兒昨日出席活動時透露身邊不乏追求者，可惜她沒有Feel。她覺得單身都OK，不會為拍拖而拍拖，又坦言是否與無綫續約最重要不是錢，有時間讓她識男朋友很重要。

杏兒表示不會為拍拖而拍拖，但很想有時間識男友。

杏兒（中）在鐘錶品牌發布會上祝酒。

胡杏兒昨日以大中華區代言人身份出席鐘錶品牌TEMPORIS新產品發布會，她表示剛於上海拍完無綫劇集《梟雄》，稍後會再到內地數個月拍另一套劇。

計劃前程

提到下星期生日，她笑言希望時間可以停頓：「希望愈大愈靚。生日會喺香港同屋企人同埋朋友慶祝。（仲未有另一半同你慶祝？）冇呀！之前嗰啲都係誤傳。（有追求者？）有嘅，不過唔適合，要有感覺先得，但係我覺得單身都OK嘅，唔會為拍拖而拍拖。（你成日唔喺香港好難識到男仔？）所以我要積極啲，睇吓啲朋友有冇介紹。」

問到是否已跟無綫續約，她說：「未續約，未到期，都傾緊，年紀唔細，要諗清楚。（要諗啲咩？）我覺得我工作咗已有一段好長嘅時間，要諗吓嚟緊條路點行，出年就入行16年。（咁你有咩要求？）冇，唔想畀太大壓力自己，人生除咗工作仲有其他嘢。（其他公司有冇傾？）都有啲會問，錢唔係最重要。（要有時間畀你識男朋友？）呢樣好緊要，同埋想自己分配吓要做啲咩。（簽部頭？）未係好細節咁傾。」

另外，問到有傳舊愛黃宗澤有新歡，她說：「呢啲唔應該再問我，咁有女朋友或者新人係好正常，無論如何都祝福佢，只要佢開心。」