無綫台慶劇《名門暗戰》演員黎耀祥、黃浩然及胡定欣等昨日打高爾夫球宣傳劇集，面對香港電視開台，祥仔即表示對劇集充滿信心，而定欣則覺得最重要是演員齊心。

首次拍劇的陳凱琳（左）與蔡思貝期待新劇出街後觀眾的反應。

黃浩然（左起）、黎耀祥及胡定欣均大讚新劇水準高。

黎耀祥與蓋鳴暉合演舞台劇，大感興奮。

黎耀祥、黃浩然、胡定欣、陳凱琳及蔡思貝等昨日為下星期一首播的台慶劇《名門暗戰》宣傳，提到《名》劇將為無綫迎戰香港電視開台，祥仔說：「對套劇有信心，台前幕後都係《大太監》班底，套劇水準好高！（有冇信心再攞視帝﹖）冇乜所謂，講真已經攞咗三屆，對自己已經有交代，希望觀眾有好戲睇，都好耐冇呢啲豪門鬥爭劇，希望可以緩和吓近期嘅社會氣氛。（吳啟華離婚關唔關分隔兩地事？）所以我一直都堅持唔去內地拍劇，眼見太多例子，好可惜，但感情好難講。」《名》劇是陳凱琳與蔡思貝首套劇集，問到如何迎戰香港電視，陳凱琳說：「又冇咁諗，好期待套劇出街。」她又自爆拍攝時最難是拍喊戲，要靠眼藥水催淚，而蔡思貝則認為毋須比較，各有各播。

台前幕後陣容鼎盛

至於胡定欣與黃浩然在劇中有連場激情戲，問到黃浩然可會怕太太呷醋而不許收睇？他說：「唔會，大仔就唔睇得，上次《愛我請留言》，大仔見到我攬住其他女仔唔開心爆喊。」定欣說：「佢老婆知道同我拍所以好放心。」提到迎戰香港電視開台，她說：「呢啲係後話，套劇台前幕後陣容都好好，每個演員嘅故事都好完整，好有信心，最緊要大家齊心。」而浩然亦認為做好本分已經足夠。

舞台新人挑戰戲曲

此外，黎耀祥與蓋鳴暉（Joyce）將於下月8日在新光戲院大劇場演出舞台劇《星海留痕》，二人日前齊齊宣傳，祥仔謙稱是「舞台新人」，要在現場唱戲曲是一大挑戰，問到是否做厭視帝，要另尋挑戰，他說：「唔係，每隔一段時間都想搵啲新衝擊，做演員冇話最高境界，舞台更加係另一個世界。」