兩位樂壇巨星譚詠麟（阿倫）和李克勤的「左麟右李粥麵小菜專門店」短短三年已開設第四間分店，二人打造的「億元飲食王國」銳意在全球發展，勢將港式「雲吞麵」打入日本。

阿倫和克勤與店門外的「廚神Look」肖像合照，十分搞笑。

阿倫和克勤為醒獅點睛。

克勤（右起）、阿倫、張國忠及周焯華齊齊為新店剪綵。

阿倫和克勤的「左麟右李」由樂壇殺入商界，第四間「左麟右李粥麵小菜專門店」昨日在澳門新濠天地「蘇濠」隆重開幕，老闆之一的阿倫、克勤與其他股東，包括張國忠、周焯華與唐才智親自為新店剪綵，並為醒獅進行點睛及切燒豬儀式。門外更特設阿倫和克勤「廚神Look」造型的1:1肖像做「招財公仔」，克勤笑言可給捧場的客人合照留念。

盼「麟李」足迹遍全球

二人目標是世界各地都有「左麟右李」的分店，至少十幾廿間做到上市，其中上海店試業時，門外排滿人龍，阿倫：「搞到天怒人怨，有人打畀我話去咗五日等咗成粒鐘先食到。」克勤亦說：「食唔食到係其次，入唔到去食冇面嘛！」並透露想在日本開店，因日本拉麵遍布東南亞，是時候用雲吞麵來回饋日本人，阿倫即笑說：「係呀！好多日本妹鍾意食，食到聲。」問到今次投資多少？阿倫笑說：「係由黃埔店一路生錢出嚟！」將賺到的錢再投資：「係用我哋嘅身價囉！所以可大可小㗎！」問到香港的生意可有受「佔領運動」影響？阿倫說：「之前生意一路上得幾好，但咁樣搞一搞都冇法，希望快啲通番。」阿倫稱過去一個月與溫拿到加拿大做騷，亦有留意香港新聞，他們亦有唱《獅子山下》幫香港人打氣。提到因政治議題爭議而傳內地將曾「發聲的藝人」列黑名單？阿倫和克勤同聲表示只屬網上流言，不信有黑名單。對於張敬軒微博被攻擊，阿倫則稱不太清楚。

另外，「左麟右李」將於明年農曆新年開騷，阿倫表示相隔五年再次奪回農曆年檔期，返回紅館主場。問到是否準備定大布袋收利是？阿倫笑說：「諗住拉人力車，一係用整雲吞麵個筲箕都好。」