現時佗第二胎的陳茵媺鬼妹仔性格，原來骨子裏卻相當迷信，昨日到馬場出席活動時聽聞佗B旺手氣，竟立即問記者是否有賽馬貼士！

懷有4個半月身孕的陳茵媺穿上紅色Tube Dress亮相，催谷財運！

陳豪推行李步出機場，以免大肚嬌妻Aimee操勞。

蔡李惠莉（左起）、甄子丹、汪詩詩與汪圓圓在看台手舞足蹈，似乎有進帳！

陳茵媺（Aimee）、黃心穎與黃浩然等昨日到馬場出席第三屆《東方表行沙田錦標》，同場有甄子丹夫婦與「玩具大王」蔡志明一家。懷有第二胎的茵媺透露胎兒已有四個半月大，但尚未知道性別，期望順產：「生嘅過程感到痛，但想同小朋友關係親密啲，同另一半有特別嘅回憶。」記者笑指大肚婆夠旺，問到可有投注？她即笑說：「係咩？一陣買，有冇貼士呀？」

此外，有報道指她與老公陳豪泊車影響鄰居出入，她說：「好愕然，初時覺得佢好Nice，新年仲過嚟派利是畀BB。我哋向來泊喺私人地方，唔會影響人。（會考慮搬走？）係小誤會，見到會打招呼。」提到老公被稱為「比華利山大王」，她即晒恩愛：「He is my king！」此外，她與陳豪前晚現身機場，問到旅遊時可有選購嬰兒用品，買了粉紅色的還是粉藍色的？陳豪即打趣說：「買彩虹色！」

黃浩然養病做飯桶

早前患「貝賽特氏症」的黃浩然亦有出席馬場活動，並透露康復進度理想：「已經肥番，第一餐食咗兩嘜米！媽咪都呆咗！（藥物影響？）係休息多咗，狀態同體力差唔多復原，依家可以跑番步。（會同監製商量減少工作量？）台前幕後都唔想任何演員病，大家錫住大家。」另外，有傳吳啟華與石洋子離婚，曾與啟華合作的黃心穎表示拍檔曾提起女兒：「有睇過相，佢講親囡囡都好開心。」