張智霖（Chilam）昨日出席活動，曾與佘詩曼（阿佘）傳緋聞的他將與對方合作拍電影，對於近日盛傳阿佘與鄭嘉穎翻撻，Chilam聞言即陰陰嘴笑：「呢個咁八卦嘅新聞都問！（你有咩答案？）祝佢幸福快樂。」另外，他透露有意參觀活動場地附近的樓盤，並自稱是樓迷：「我好鍾意睇樓，但唔一定買，咁中國人傳統都係買磚頭，手上有少少物業啦！」又指以世界各地均擁有物業的任達華為目標。

Chilam戴黑超Cool到爆，但談到阿佘即偷笑。

湯盈盈（左起）、阿佘及周家蔚一同出席活動。

至於阿佘昨日春風滿面地出席慈善活動，為家境貧困的病童籌款，她更捐錢給活動基金。問到是否有追求者？她否認：「邊有咁講過！工作為主。（唔心急拍拖？）依家籌多啲錢，大家都知好心有好報。」