前亞姐張家瑩昨晚性感現身《亞姐大中華總決賽》，在「宿敵」筱靖因病缺席下，大晒3吋事業線的她成為風頭躉。談到筱靖被雪藏一事，她說：「公司藝人唔多，再加上點擊率問題，相信今晚有請佢嚟嘅。（佢病咗？）呢排轉季我都病啦！女仔成日都要靚唔要命。（佢唔喺度你地位提升？）如果同場可以聯合起嚟，力量會更加大啲。」

張家瑩笑言女仔要靚唔要命。

羅霖認為佳麗沒有時間「僭建」。

反觀「師姐」羅霖則封胸，以泰山裝現身擔任評判。對於今年參賽者質素，她說：「質素高，不過有啲佳麗未收身，會扣分，因為亞姐係講樣、身材同智慧嘅。（有啲佳麗突然升咗Cup？）相信唔會嘅，做手術都要時間，不過佢哋好身材突出。」她又指很高興與霍震霆同場，又指早前任空姐時，曾為坐頭等艙的霍震霆服務。