鄧麗欣(Stephy)剛過去的31歲牛一與男友方力申在新西蘭慶祝,本以為今次「預支蜜月」會甜到漏油,怎料壽星女返港後大興問「禮」之師,抱怨兩手 的小方零表示!

Stephy(左起)、方力申、王祖藍與李亞男情侶檔錄影節目。

小方冇送生日禮物,Stephy呻到樹葉都落。

Stephy即場炮製山區主要食糧糌粑。

圈中金童玉女鄧麗欣與方力申經常傳出好事近,早前二人攞正牌出埠拍拖,應邀參加無綫最新綜藝節目《蜜月到訪》錄影,由情侶檔主持王祖藍及李亞男帶隊,到新西蘭展開浪漫之旅。拍攝期間適逢Stephy 31歲生日(上周三),壽星女昨日返港出席慈善活動時,被問到今次是否與小方「預支蜜月」?她一副冧樣說:「佢就想,慳咗咁多,今次係半玩半做嘢。(求婚?)梗係冇啦!」

探訪山區冇沖涼

她表示生日當天與小方及一班人食飯慶祝,問到小方可有表示?她說:「送咗紮花,不過係咪佢送呢?定係餐廳送呢?可能咁多人喺度,佢怕醜。」不過私底下小方繼續失「禮」,令到Stephy「怨婦」上身說:「諗住返到嚟會補送番,點知都冇,預咗啦!慣晒啦!」

另外,Stephy在活動上分享早前跟隨慈善機構,到青海玉樹山區進行探訪的經歷,她表示今次是第二次到訪高原,幸好未有出現高原反應。由於當地衞生設備不足,她自爆幾日冇洗澡:「咁多日都冇沖涼、洗頭,去廁所都係去大自然『施肥』,去之前都預咗。」