李依曉被葉璇愛犬襲擊的意外，震驚整個娛圈。曾修讀寵物讀心課程的英皇藝人衛詩雅說：「帶大狗出街，尤其去陌生同多人嘅地方，我覺得一定要拖繩同用口罩囉！」而「狗癡」方中信與莫可欣夫婦則說：「我哋對事唔對人。其實狗主應該最清楚自己隻狗嘅性格同脾氣，如果係咁就唔應該帶佢去太多人嘅地方，好似我屋企咁，知道有驚狗嘅小朋友要嚟，我哋會將啲狗暫時鎖上天台度先囉。」家有重達80磅古代牧羊犬的陶大宇說：「鍾意養大狗，首選溫純品種會好啲，如果養品種惡少少嘅，帶返屋企前可以搵專業人士訓練吓先，同埋出街記得要戴口罩。」而歌手吳若希則說：「我家中隻唐狗都幾大隻，但好乖，唔會亂咬人，因為狗好怕陌生人同地方，所以我好少帶佢開工，如果工作需要同佢一齊，我會考慮幫佢戴口罩。」

衛詩雅指帶狗到人多的地方應用口罩。

陶大宇建議可找專業人士訓練愛犬。