滕麗名（阿滕）、梁烈維（維維）、蕭正楠及薛家燕日前為無綫賀歲劇《倩女失魂》於荒山野嶺進行拍攝，劇中飾演阿滕老公的維維突然暈倒，要阿滕喊住兼淋雨孭他上山。原本劇組準備了假人拍攝，但為求效果逼真，最終維維親身上陣，阿滕笑說：「我都唔想咁堅，嗰陣就快天黑，我唔想拍唔晒，當還債啦！其實維維都好驚，我只可以保證真係跌時我會向前仆，如果唔係佢尾龍骨落硬地，到時好大鑊！」而維維表示阿滕給他很大信心：「佢叫我唔使驚，你要信我，一定唔會向後跌，我雙手放喺佢胸前，佢雙手兜住我雙腳，我好佩服佢，拍完我直頭鍾意咗佢。」

滕麗名為劇集《倩女失魂》於荒山野嶺取景。

滕麗名拍攝孭維維上山的戲份時特別小心，以免意外發生。

此外，薛家燕表示拍攝此劇有足夠時間休息，但由於經常在荒山野嶺拍攝，故不時被蚊叮，更怕有白紋伊蚊。提到之前表示會自薦與蕭正楠拍咀戲，她笑說：「冇人接納，連我都唔接納。」