忙於處理美容生意的模特兒周倩圯（Samantha）身心俱疲，早前便與友人到日本北海道一星期叉叉電，除吃喝玩樂外，最主要目的是泡溫泉，Samantha說：「班朋友話我咁捱法唔得，為咗紓緩我嘅疲勞同工作壓力，所以全程去浸溫泉！」她指最大得着是欣賞到美麗雪景：「本來一出機場係雨景，成個人冇晒Mood，但坐完車去到溫泉酒店，眼前突然變成雪景，成個人都生猛番，真係好開心！」

到北海道減壓的周倩圯日日浸溫泉，浸完精神為之一振！

周倩圯此趟溫泉之旅相當盡興，去到邊影到邊。

露天風呂房間每晚包一餐懷石料理，一試難忘的周倩圯大讚超正！

於美麗雪景下泡溫泉的周倩圯大叫很爽！

首次泡溫泉的Samantha，笑言入住露天風呂房間可整日泡不停：「喺風景下浸溫泉感覺好正，旁邊放一杯果汁，望住啲雪飄落我塊面同身度，好似發緊夢咁爽，每日至少浸兩次，一浸可以浸成四十五分鐘！」她指泡公眾溫泉感尷尬，在別人面前光脫脫會渾身不自在：「有晚好夜去公眾溫泉浸，入面一個人都冇，但氣氛好恐怖，靜到得人驚，我浸一陣，驚得滯就起身走人！」Samantha大讚該溫泉酒店私隱度高，只得十二間房，每間房都有特色設計：「我一起身就浸溫泉，醒一醒神先去食早餐，當我途經走廊見到有工作人員執房時，我就走入去參觀，每間房真係唔同，間間都好靚！」