天后容祖兒昨日出席I.T旗下Acne Studios專門店開幕，雙眼通紅的她透露十多年前做激光矯視留下後遺症，令雙眼淚水分泌不足：「經常眼乾同眼紅，夜晚要搽眼膏瞓潤住對眼，半夜起身成日撞到枱櫈，做咗夜盲人！依家成日要戴超，講嘢又唔望人。（男友劉浩龍心痛？）你問吓佢。（同男友冇眼神接觸？）冇晒社交生活。」她又打趣說有機會成為香港首位失明女歌手，將此病命名為「熱情的沙漠」，並表示會考慮做手術堵塞排淚管，令雙眼不易排走淚水。另外，祖兒、許廷鏗和丁子高前晚出席「福慧教育基金會」晚宴，丁子高大讚老婆楊千嬅是萬能媽咪，自言是嚴父：「唔使鬧個仔，望一望佢就已經醒定！」

祖兒因激光矯視留下後遺症，令雙眼淚水經常分泌不足。