星級靚媽文頌嫻(Annie)前晚現身長沙灣出席晨曦球隊飯局,素顏的她落車時發現有記者守候即大嚇一跳,笑問:「嘩,你哋又知?(準備咗生日禮物?)邊個生日?」她得知曹永廉舉行生日派對、好友洪天明及佘詩曼亦會到場後,表示並不知情:「唔關事,我係同晨曦食飯,但依家知都會過去打招呼!」她又透露球隊練波後不時飯局,亦會定期舉行活動聯誼感情。

文頌嫻與晨曦波友飯敍,順道賀曹永廉生日。