一年一度的亞生競選吸引一眾前亞姐及準亞姐盛裝捧場，主持張家瑩以粉紅色Tube Dress亮相，性感度一般，她說：「我要莊重，呢身首飾鑽石耳環、手鏈，60幾卡o架！」而低胸上陣的羅霖自爆心水：「我鍾意(4)韓國仔、(5)同(2)，佢哋笑容好，身形屬少少大隻，太大隻我唔鍾意o架！都好佩服佢哋操到咁Fit，我個設計師叫我減吓，我都忍唔到口，唉！人到中年有啲鬆！」

拋胸的羅霖明艷照人。

張家瑩一身裝束大方得體，惟性感度略遜一籌！

姚嘉雯坦承第一年在亞視只得7千5百蚊人工。

一班準亞姐拉大隊「取經」兼為亞生打氣！

至於穿連身白色長裙的姚嘉雯高貴現身，生完仔依然Fit的她回應被爆在亞視只得7,500元月薪：「第一年係7,500，之後有萬零蚊啦，仲有計騷呢，多勞多得，夠生活！（亞視拖糧？）唔知喎！好耐冇Check戶口，對數字唔敏感，聽日打簿囉！（有老公養，唔志在？）唔係！」另有傳亞視曾一度物資短缺到連水及廁紙都缺乏供應，主持蔡國威說：「一日啫，之後都回復正常。」