港姐出身的袁嘉敏（Candy）日前與安志杰出席電影《屍城》電影記者會，收起性感的Candy向《東網》ontv大爆其中一場臨時加插激咀安志杰，令對方嚇窒，她說：「嗰場戲好多都係即席創作，劇本冇寫足細節，所以我錫佢都好意外，因為佢本身都唔知。（擔心對方覺得你抽水？）冇咁諗過，佢係好爽嘅大哥哥、好西化，所以我哋都覺得錫唔係咩大事，佢都明我角色係要咁做。（安志杰有生理反應？）之前同其他男演員拍過親熱戲，我都從來冇講過，呢啲係佢哋嘅私隱，所以我都唔會講。」

袁嘉敏與安志杰在記者會上抱抱，玩得開心。