關楚耀（左起）、Bella與陳振安扮嘢合照，相當搞笑。
《東網》的《娛樂onShow》嘉賓猛料如雲，今集主持陳振安邀來關楚耀及羅子喬（Bella），分享拍電影的趣事。他倆在片中要「犧牲」，Bella除要性感出浴，更被電熱棒電親。而關楚耀拍戲時被元彪起飛腳，令腰部受傷，幸得「伍」號師傅（伍允龍）按摩打救！
關楚耀與Bella分享拍《天》片的趣事，愈講愈興奮。
關楚耀（右）與元彪大演對手戲，更被元彪起飛腳踢倒。
關楚耀及羅子喬獲《東網》的《娛樂onShow》主持陳振安邀來分享在電影《天師鬥殭屍》中的拍攝點滴。關楚耀及Bella在片中扮演殭屍，挑戰相當大，關楚耀說：「喺入面我係一個電視台老闆，格同脾氣好差，同我平時好唔似。」而羅子喬則是電視台的女藝員，要得寵才能接近高層。
Bella落水觸電
關楚耀表示與前輩合作很過癮，雖在戲中被元彪起飛腳踢倒，卻因禍得福，他說：「元彪要向我踢穿心腿，再踢穿牆，我落地之後，我即刻Feel到條腰好痛，伍允龍即刻扶起我，仲幫我按摩，佢手勢好好，係『伍』號師傅。」
至於曾表示對性感十分抗拒的Bella，在片中有性感出浴，陳振安問她為何有如此想法？她說：「以前唔夠成熟。（點解會諗通？）當時年紀細，唔想畀人標籤我係性感，咁依家出番嚟，都因為係王晶導演，佢同我傾咗好耐，我都覺得我有需要轉變。」她又透露在拍戲期間受傷，被電熱棒電親：「我要浸落水，水入面放咗支棒，保持水溫，我當日係試水，就畀佢電親。（銀幕最大膽演出？）暫時都係，其實當時冇話特別好緊張，因為你接咗劇本係研究咗，你會明白點做。」想知道二人更多拍戲趣事？就要快啲上《東網》睇《娛樂onShow》啦！
專案組
