歌莉雅認為黎明的歌最難唱。
靚聲歌手Gloria歌莉雅最近新鮮出爐的第三隻發燒碟挑選了數首經典金曲，向譚詠麟（校長）、張國榮（哥哥）及四大天王致敬，她說：「之前兩隻碟向欣賞嘅音樂人同香港嘅本地樂隊致敬，今次就到六位前輩，有統一嘅方向比較有誠意。」她又指今次大膽嘗試為金曲改變編曲：「好似由快變慢、慢變快咁，但後嚟發覺唔係每首歌都可以，最重要係每首都有度身訂造嘅編曲。」當中以黎明的歌最難唱，因為音域較廣。
提到12月的小型音樂會，歌莉雅說：「好期待，出咗道多咗人識，今次開嘅場比以前造碟時大，到時會翻唱人哋嘅歌同自己創作嘅歌。」
