以往主要唱抒情歌的何弘軒，將推出曲風多變的大碟。
童星出道的歌手何弘軒（Alan）2012年以獨立歌手身份推出首張唱片，事隔兩年終在簽新唱片公司後推出第二張唱片，他特別感謝當年因天王黎明的關係才有出道機會，而與天王天后甚有緣分的他透露早已與天后陳慧琳（Kelly）結片緣，更感激對方多年來的支持。
何弘軒感激陳慧琳多年來的支持。
5歲的何弘軒因參與黎明的模仿大賽而入行。
由獨立歌手轉為唱片公司旗下歌手的Alan坦言兩者分別很大：「以前的確會自由啲，但幕前幕後都一腳踢，簽咗唱片公司後有人幫手諗嘢可以專注幕前。」他表示公司渴望他有多點變化，而他亦要作出改變：「第一隻碟係以抒情為主，今次都多咗好多曲風。」
模仿騷遇伯樂
雖然Alan才推出第二張唱片，但原來他早於五歲時已在娛樂圈發展，擁有多年舞台經驗的他坦言要感謝黎明的幫助：「嗰陣參加黎明嘅模仿大賽，之後跟佢去唔同地方登台，先識到嗰時嘅經理人，九歲簽唱片公司。」不過Alan指已與黎明失去聯絡，但仍相信黎明會記得他：「我諗畀細個嘅相佢會認得。」此外，他九歲時亦曾與陳慧琳在電影《仙樂飄飄》結片緣，至今仍不時相約見面：「佢好支持我，我出碟佢都有錄片鼓勵我，仲講笑話我出碟密過佢，而我都曾經幫佢做Fans Club活動嘅主持同表演嘉賓。」
重現「那些年」
現在Alan除了忙着新碟宣傳外，更要積極準備本月的音樂會，他亦透露部分音樂會內容：「之前舞台劇同過一班小朋友合作，今次都會邀請佢哋一齊合演番我童星時代嘅嘢。」他表示屆時還會演唱一些他喜歡的歌曲。
音樂組
