歌手張苡澂嫁得好老公Michael，但婚後拒做幸福少奶奶，不顧老公反對堅持理想，積極發展歌唱事業：「老公梗係唔想我咁辛苦，但我覺得少奶奶生活好悶，日日坐喺屋企等佢返嚟，而且我覺得用自己錢Shopping仲開心。老公見到我真係鍾意唱歌就無限量支持，佢真係好錫我！」

張苡澂拒做少奶奶，堅持夢想發展星途。

她表示若遇上合適劇本，會考慮接拍電影：「依家內地都有幾部電影傾緊，之前傾緊一部荷里活製作電影，但依家發展緊歌唱事業唔想放棄，惟有作出取捨，最終擱置咗套戲。好多朋友都鬧我，話難得有機會拍荷里活片，但我始終愛唱歌多於做戲，一切隨緣！」現時落力減肥的她透露明年會進軍內地市場：「應該香港同內地兩邊飛，有一段短時間要多留內地。（老公冇投訴？）都有，但冇辦法，當係少別勝新婚！鬼叫佢娶咗個事業心重嘅老婆咩？佢話有時間就會嚟探班。」