日模松岡李那師妹山內藍（Blue）日前重拾兒時回憶，參觀逾四米高的小丸子巨型模型。Blue自言是粉絲，似足小丸子一樣不願在早上起床，但並不懶惰。

山內藍自小追看小丸子，得悉有巨型模型在港展出後立即朝聖！

Blue攬實小丸子公仔唔願放，盡情回味童年時光。

好動的山內藍自爆平日最愛賴床，懶到出汁！

櫻桃小丸子陪伴不少人成長，日模松岡李那師妹山內藍（Blue）自言是其忠實粉絲，適逢小丸子巨型模型早前在港展出，她便重拾童年回憶，前往朝聖！

Blue見到巨型小丸子時大感興奮，更開心得手舞足蹈，她說：「呢個模型有成四米高，見到咁高真係覺得驚訝！我覺得好有親切感，好似返咗去細個嗰陣咁！」Blue透露童年在日本生活時，會坐定定等睇卡通片：「細個喺日本生活，電視逢星期日播小丸子，我每個星期都追嚟睇，唔睇唔安落！平時冇小丸子睇就睇漫畫，係超級粉絲！」

懶到出汁唔起身

小丸子人見人愛，但Blue嫌棄她過於懶惰：「佢份人好懶，我唔係咁o架！我同佢一樣都係朝早唔願起身，佢嘅情況嚴重好多，但佢真係好可愛！（仲鍾意小丸子入面咩角色？）花輪同學！因為佢生得靚仔，同埋好有錢！」