動作女星陳鈺芸（JuJu）早前遠赴新西蘭為荷里活動作電影進行拍攝，打得又寫得的她自爆新書將三度加印：「我本《點菜英文》年頭印第二版反應熱烈，近排仲收到出版商通知我再推出第三版！」她又指借寫書之名而「狂擦」美食：「書商都叫我再寫新飲食書，所以難得依家可以借資料搜集為藉口，喺新西蘭大吃特吃！」

即使去到新西蘭，JuJu都要食最愛嘅燒味飯！

JuJu大爆因到處品酒嘗鮮而身形「暴脹」：「我一有空閒時間就同演員、工作人員去酒莊品酒！呢度仲有夜市，新西蘭啲紅酒、芝士、肉類同海鮮質量好又新鮮！我喺當地搵到拍得住香港又超好食嘅燒味店，我仲一個人食晒兩碟雙併燒味飯！」