組合SiS樂印姊妹成員駱胤樺早前舉行入行後首個生日派對，多名歌迷到場慶祝，當中更吸引傷殘歌迷前來撐場。組合今年成績不俗，駱胤樺希望有幸角逐新人獎，為公司及歌迷作出交代。

駱胤樺（右）獲歌迷送上3D卡通蛋糕，在妹妹胤鳴陪同下切Cake開餐。

SiS樂印姊妹承諾繼續努力，力爭新人獎報答歌迷！

有傷殘歌迷欣賞SiS樂印姊妹的作品能帶來正能量，令胤樺相當感動。

SiS樂印姊妹成員駱胤樺早前25歲生日，唱片公司與歌迷為她舉辦生日派對，她、妹妹駱胤鳴與歌迷即席大玩遊戲，現場充滿歡樂氣氛。

公司贊助一日遊

貼心歌迷知道偶像最愛卡通人物史力奇，特意送上3D卡通蛋糕及多款精品，胤樺眼濕濕說：「今次係入行後第一次有咁多人同我慶祝生日，以前都未試過，覺得好開心！」她又指有傷殘歌迷到場為她慶生，令她大為感動：「嗰陣佢嚟簽名會，話我哋嘅音樂好正面同健康，所以想支持我哋。」對於音樂作品能為他人提供正能量，她們十分滿足。

妹妹駱胤鳴透露為姊姊送上護膚品：「家姐入咗行唔可以再好似學生妹咁，要成日Keep住靚樣先得！」問到公司可有任何表示？兩人笑言公司贊助澳門一日遊，首次到當地旅遊的駱胤樺大感興奮，同時分享生日願望：「公司好照顧我哋，想喺年尾頒獎典禮角逐到新人獎。今年不論派台歌或唱片反應都唔錯，想年尾有好成績，唔想令公司失望，又畀到交代啲歌迷！」