不經不覺間，靚太陳倩揚已佗B 6個月！大肚婆一定要着大肚衫？No No No！陳倩揚便親身演繹靚爆燈的佗B Fashion！

現已育有一子的陳倩揚早前宣布佗B喜訊，其好友及粉絲紛紛送祝福！熱愛Fashion的靚媽倩揚不受巨肚限制，反而精心挑選靚靚孕婦裝，做大肚婆都要有品味，並在微博分享個人時裝心得：「懷孕不一定要穿孕婦裝呀！有心思去找，就能找到舒適又合身的！嘻嘻，6個月大的肚子，大家猜猜是男寶寶還是女寶寶？」其實在另一場合她已忍不住開古，不少網友都大賣口乖讚其肚中的男BB定能遺傳媽咪的美人胚子，指生女或兒子也好，只要似媽咪有靚樣就最好！

另外，有網友留言激讚陳倩揚勤力，指她懷孕期間仍密密接Job搵奶粉錢，是完美好媽媽！