英皇藝人陳家樂及孫佳君等昨日到尖沙咀出席品牌活動。家樂透露今天到上海拍攝電影《破風》：「會拍公路賽事戲份，導演畀我分Shot拍，唔使一Take過。（早前炒車，傷勢點？）我做Gym只能操一邊同對腳。（大細邊？）我直頭大細波！我喺屋企除衫，都畀媽咪投訴我『一大一細』。」

換上超短髮型的孫佳君與陳家樂出席活動。

陳家樂喜獲林超賢送上蛋糕慶生。

談到早前28歲牛一，家樂自爆「失財又失身」：「我第一次喺銀川沙漠過生日，點知唔見行李，好嬲！好彩攞得番。今次生日好尷尬，沖緊涼時有女同事跑入嚟拍片慶生。（畀人睇全相？）係呀！依家有段（全裸）片喺林超賢導演手上。（點贖番段片？）拍好啲套戲，希望唔好出現喺製作花絮！」同場的孫佳君以超短髮亮相，笑言因而被朋友「嫌棄」，更在街上被誤認是男人。