朱晨麗（圖）一直被指是「翻版陳法拉」，今次有機會名正言順扮法拉喇！
港姐朱晨麗、鄭俊弘（Fred）及林德信昨日出席《善心滿載仁愛堂》記者會，朱晨麗透露將於節目與張振朗「扮嘢」，問到是否扮「翻版陳法拉」，對方扮張智霖？她說：「公司叫到冇所謂，但暫時通知我扮空姐。」至於Fred回應《好報》報道其緋聞女友姜麗文約會型男一事時說：「我有睇，朋友嚟啫！（問咗佢？）佢最近成日返內地工作，好耐冇聯絡，咁我哋都係朋友！」而林德信指已為父親林子祥（Lam）慶生日：「尋晚一齊食飯，我哋平均一個月先見一次。（葉蒨文有去？）冇，佢要照顧佢媽咪。（佢哋感情轉淡？）同之前咁，冇乜唔同。（Lam識咗其他女士？）應該問番佢本人。」
陳法拉
