混血模特兒Mandy Lieu及許志安前晚出席英國高級時裝品牌DAKS 120周年展覽揭幕暨慶祝酒會，Mandy透露稍後到上海拍攝電影《破風》：「同彭于晏有感情戲，之前喺電影《太極》已經合作過。（佢係男神，會自薦同佢演親熱戲？）之前同佢Kiss過啦！」

換上秋冬裝的Mandy承認有人追，但以工作為重！

許志安自爆近期狂做運動操弗。

講到感情事，Mandy說：「隨緣！希望多啲戲拍，帶多啲作品畀大家。」問到可有聯絡早前傳緋聞的周焯華，她說：「邊個呀？同好多男士都有聯絡，唔講呢啲喇！（你哋之前一齊去紐約？）好舊嘅新聞喇，講啲新嘅啦！（依家有一打追求者？）冇咁多，落實咗打畀你話你知，依家係開心嘅，希望事事順利！」