CIB探員鍾嘉欣被黑幫追殺期間，獲馬德鐘等相助，他們經歷多次劫難後漸漸互生情愫。嘉欣成功擺脫「乖乖女」形象，在新劇破格演出，監製林志華說：「今次角色唔再咁善良，佢之前係一位臥底，個性夠硬朗。嘉欣心理質素好好，令到角色好有色彩、有滄桑味。」

嘉欣洗甩清純底，強悍形象夠新鮮。

嘉欣透露她的角色有不少經歷：「佢覺得自己係爛命一條，事業、家庭以至同馬德鐘一段感情都覺得冇希望。」問到首次扮演警務人員有否難度？她說：「其實喺喜劇做過警察，但咁硬朗嘅性格就第一次，有新嘅元素對演員嚟講係一種享受。最難係情緒表現，因為角色有躁狂症，為咗投入所以拍嗰陣Keep住好忟咁，真係嚇親人！」