Sharon愛周遊列國，希望可執筆撰寫旅遊書籍。
前港姐陸詩韻（Sharon）早前穿吊帶短裙出席護膚品牌活動，並向《東網》ontv透露剛簽約新經理人公司，工作上將有新挑戰：「嚟緊會第一次拍MV做女主角。（同邊個合作？）暫時未可以公布，但好期待到時可以喺K房見到自己！」
陸詩韻自爆擔正MV女主角，隨時在K房出現！
此外，她希望可以撰寫一本以旅遊為題材的書籍：「散文就應該唔會啦！可能以前做過3年大韓航空空姐，同公司同事又熟啲，所以想睇吓可唔可以去嗰邊總公司影啲空姐Training嘅相，放埋入去。（你識講韓文？）識少少，不過太耐冇講生疏咗。」她笑言在韓國從沒有艷遇， 但強調不介意另一半的國籍：「緣分啱就OK啦！」
