歌手張紋嘉（Crystal）日前為唱片公司的卡拉OK拍攝萬聖節宣傳片，雖然知道要被群鬼輪住嚇，但她仍冒着走光的危險，身穿低胸背心露臍裝短裙上陣，藉此提高宣傳片的可觀性。問到前HotCha三位成員中，只有她被選中拍片，似乎最得寵？她謙虛地說：「梗係唔係啦！咁啱我夾到時間咪幫手拍囉！」

Crystal冒着被嘩鬼追趕的危險，穿短裙上陣。

Crystal將「心臟」拿上手，睇見都覺核突！

Crystal自言每年萬聖節必到鬼屋探險，問到是否很大膽？她說：「唔大膽，試過喺鬼屋畀人嚇到失控！朋友話我個樣恐怖過啲鬼，但我又好鍾意玩鬼屋喎！」問到可會邀請從事幕後工作的「準男友」齊齊遊鬼屋？她說：「我冇拍拖，係朋友咋，怕畀人話做宣傳。」她自問條件不俗，對舊愛亦算體貼，可惜現時卻慘變「剩女」：「最憎聖誕節一個人過，所以要求公司畀多啲工作。我覺得啲男仔犯賤，唔會鍾意啲純品又細心嘅好女仔！」