王晶與元彪四十年來首度合作，拍攝新片《天師鬥殭屍》，令兩人培養出默契。元彪指拍攝時正值寒冬，因應劇情更經常捱更抵夜：「其實拍戲一定辛苦，大夜班再加間中落雨，但增添咗氣氛。老實講同以前啲殭屍片比較，今次啲場面真係大好多。」《天》片的劇本十多年前已成型，而王晶與元彪今次「創造」出來的天師，沒有金剛不壞之身，更不是樣樣皆能，但勝在人性化，王晶說：「當時因為資金問題而擱置，今次係攞番出嚟再作改動。我哋將預告片放咗上網，So Far外界反應都唔錯。（合作得咁開心會開續集？）乜都有可能嘅。」他又指明年開拍第100部作品《12金剛》，已預留角色給元彪，並宣布已「集郵」成功：「多年前原本有資金安排我哋合作，點知最終撻訂，就一直等到今次！依家連佢都合作埋，我真係冇遺憾。」

王晶（左）覓得元彪首度合作拍殭屍片，40年「集郵」終成功！

元彪為《天》片經常捱夜拍攝，但冇半句怨言。