吳卓羲（Ron）正在上海拍攝無綫劇《梟雄》，飾演一名反抗幫會的律師，問到會否像黎耀祥及馬國明般有動作戲時，他說：「就算有都係畀人打嗰啲，劇入面講日軍侵華，我哋畀人搶嘢，我要保護胡杏兒同蘇玉華。」Ron透露早前因跑步拉傷小腿，行路時拐吓拐吓，幸而未有影響拍攝工作：「唔係緩步跑，係好爆炸嗰啲跑，呢度食啲嘢太油，唔跑真係唔掂，而且之前喺香港都跑咗一段時間，跑得咁辛苦，無謂浪費！」
